بسم رب الحسین – الشهید، العطشان
قال الامام الصادق (ع): لا تَدَع زيارَةَ الحُسَينِ بنِ عَلىّ عليه السلام و مُر اَصحابَكَ بِذالِكَ، يَمُدُّ اللّه فى عُمرِكَ و يَزيدُ اللّه فى رِزقِكَ و يُحييكَ اللّه سَعيدا و لاتَموتُ اِلاّ سَعيدا و يَكتُبكَ سَعيدا (کامل الزیارات)

İmam Sadiq (ə):
İmam Hüseyn ibni Əli ələyhissəlamın ziyarətini əldən vermə, dostlarını da ziyarətə dəvət et. (Belə edərsənsə) Allah ömrünü uzadar, ruzini artırar, səni xoşbəxt yaşadar, xoşbəxt dünyadan aparar və adını xoşbəxtlər sırasında yazar. (Kamil-uz-Ziyarat)

Salam olsun, susuz dodaqlarına ya Hüseyn!
Salam olsun, aşiqlərinə ya Hüseyn!
Salam olsun, zairlərinə ya Hüseyn!

Bütün möminlər, Azərbaycan hüdudlarından kənarda yaşayan Əhli-Beyt (ə) aşiqləri, Ərbəin ziyarətinə getmək və Nəcəf Əşrəfdən Kərbəlaya qədər yürüşdə iştirak etmək istəyən əzizlərin nəzərinə çatdırırıq ki, İraq vizası üçün problem yaşayarlarsa kömək etməyə hazırıq.

Həzrət Ayətullah Seyyid Əli Sistani ağanın Müqəddəs Qum şəhərindəki ofisinin əməkdaşlığı və İraq konsulluğunun razılığı ilə ölkələrində İraq səfirliyi və ya konsulluğu olmayan, 2019-ci il Ərbəin mərasimində Kərbəlaya getmək istəyən möminlərə İraq vizası almaqda “Əl-Məhdi (əc)” İslam Maarif Mərkəzinin xadimləri təmənnasız vasitəçi olmaq tovfiqatı qazanmışdır.

QEYDLƏR:
1. Mərkəz, İran İslam Respublikasına giriş vizası almaq üçün heç bir məsuliyyət qəbul etmir.
2. İraq vizası almaq üçün isə 3-dən 5 gün arası zaman nəzərdə tutulmalıdır.
3. Ərbəinə gedənlər maksimum oktaybr ayının 12-nə qədər pasportlarını mərkəzə təhvil verməlidirlər.

LAZIM OLAN SƏNƏDLƏR:
1. Personal şəkil – (3x4) – 3 ədəd
2. Pasport
3. 75 dollar (Mərkəzin müdiriyyəti əmindir ki, təyin olunmuş qiymət çox yüksəkdir).

ƏLAQƏ NÖMRƏSİ:
+79080311313 - Telegram & WhatsApp

Höccətül-İslam Şeyx Hüseyn - Layihənin rəhbəri və "Əl-Məhdi (əc)" İslam Maarif Mərkəzinin səlahiyyətli nümayəndəsi

Diqqətinizə çatdırırıq ki, bu mübarək işdə mərkəzin heç bir maddi marağı yoxdur və vizanın qiymətini biz təyin etməmişik. Ona görə hər kəs çalışsın yaşadığı ölkədə viza alıb yola çıxsın. Biz ancaq məcburiyyət qarşısında qalıb digər çıxış yolu tapmayan Hüseyn (ə) aşiqlərinə imkanımız daxilində kömək etmək niyyətindəyik.

Dualarınıza hər zaman möhtac:

"Əl-Məhdi (əc)" İslam Maarif Mərkəzinin müdiriyyəti
Müqəddəs Qum şəhəri - 22.09.2019